أمي للشاعرة زهرة يونس
أمي
للشاعرة زهرة يونس
ملامح شقت الأيام
على راحتي
.. بضحكاية
ودعوة قلب كله
حنان...يارب
تسعد لي ضنايا
وخطوة قدمي
شايلاها
في نور عينك
وصايناها
بنبضك يا اما
انا عايشة
ومش هنسى
بعيد عنك
حاولت أعيش
ومش عايشة
لكني عافرت
واتحملت
في بعادك
رضيت بالغربة
رغم حنيني
لترابك
من روحك
غزلتي حياتي
ورداية
رويتي الفرح
بعيونك
في دنياي
في لحظة
أنا تهت
واستسلمت
للفرقة
لاقيت كل الصحاب
فارقت.. ودمعي
وليفي في الغربة
لكن عارفة
دعاكي ياأمي
في الغرقة
دة كان سندي
أخذني من الوجع
وال..آه وراح تعبي
رضاكي دة صحى
فيا حياة
سبب سعدي
أنا بدعي
يارب الكون
تقدرني..
وليها أكون
تراب تمشي
عليه..ف سكون
جبيني بطهرها
اتوضى
وفرحي.. بسعدها
مرهون
أمي
زهرة يونس
ليست هناك تعليقات