بقلم / طه إبراهيم سلمها لربك واتوكل
سلمها لربك واتوكل
@@@@@@@
ربك هيعدّلها ربك هيسوّيها
إمسح دمعاتك وإغسلها
وإن نفسك ضعفت قويها
علمها الصبر ف محنتها
وإن تاهت منك تلاقيها
نفسك وف إيديك تعدلها
وإحظر م الدنيا وبلاويها
أدبها يا عم وجملها
والله المولي هيديها
ياما غيرك حاول يتشطر
بغبائه صاحبنا وقع فيها
ارمي حمولك واعقلها
خطوات مقرؤه هتمشيها
واهو بكره الحظ هيضحكلك
وتعود الميه لمجاريها
صدقني يا عم انا متفائل
بالفرحه وحاسس معانيها
والدنيا إن وقعت من إيدك
بالصبر يا سيدي هتبنيها
والليل لو طول ويانا
الصبح هيجي يحلّيها
والفرحة هترقص قدامك
والبسمه الحلوه نحيّيها
صدقني الدنيا متستاهل
دمعه من عينك تبكيها
كم واحد من قبلك حاول
بغبائه صاحبنا وقع فيها
غدّاره الدنيا ما تتأمن
مسكين اللي يسلم ليها
سلمّها لربك واتوّكل
وتغور الدنيا وبلاويها
@@@@@@@@
بقلم / طه إبراهيم
ليست هناك تعليقات