يا أوروبا إحكيلى بقلـــــم/ منير خاطر
يا أوروبا إحكيلى
إزاى كدا اتقدمتى
انا عشت انا وجيلى
أضحك على خيبتى
إزاى بتطبقى القوانيين
على الكل سواسية
اللى معاه ملايين
زى الفواعليه
إزاى مفيش فساد
وشعبك ليه مبسوط
وازاى طهرتى البلاد
وكل شيئ مظبوط
شوارعك ليه جميله
وريحتها كدا حلوه
زهور وخضره ونجيله
عروسه فى الجلوه
وشعبك كمان إزاى
بيخلص كدا فى عمله
وبنشوفه رايح جاى
مهتم كدا بشغله
قوليلى كمان والنبى
عملتى ايه مع البلطجيه
بتعملى إيه فى الغبى
والصوص والفوريجيه
ليه شبابنا وهوه عندك
شاطر وبيعمل زخم
يشتغل وينتج ويساعدك
وعندنا يصيبو الوخم
نفسنا نقوم فى يوم
نصبح نكون زيك
إصحى يا بلد م النوم
كفايه اللى ضاع منك
ليست هناك تعليقات