بقلم// جبريل رضوان يامنكده عيشته

وماشي ومدهول رايح لدراويشه

من كتر ماهو تايه راح ينقطع عيشه

ومقطعة زرايره ومبهدله قميصه

وطفيتي ليه لمعته ومسحتي ورنيشه

على الرصيف قاعد على قرافيصه

قرب على الخانكه من كتر تهجيصه

ااااااااااااااااااااا

يامررة عيشته ومورياه الويل

يامزوده وجعه ومسهراه الليل

والنوم جفا عينه وليله ضلمه طويل

تعبتي ليه قلبه ده ابن ناس واصيل

وشاريكي م الاول لا كان صايع وعويل

اااااااااااااااااااااا

يامنكده عيشته ومفرجة الجيران

هربان ومتخفي ع القهوة ليه طفشان

قاعد وبيفكر م الفكر ليه حيران

وانتي مبسوطه وهو ليه زعلان

قاعد وبيدخن كان بطل الدخان

من كتر ماهو تايه ناسي انه كان انسان

زعلان على حاله ولا ياناس ندمان

من كتر ماهو شايفك راح يكره النسوان

وبكرة النكد بكرة وتفرجوا الجيران

اااااااااااااااااااااااا

يامنكده عيشته ماتخفي حبه عليه

يامشمرة دراعك وحافة لا توريه

ناويه على جنانه ولامتى حاتزليه

ماتفكي ف حباله لو انتي بتحبيه

ورجعيه ليكي وم الشارع لميه

اااااااااااااااااا

يامنكده عيشته خفي عليه حبة

وريحيه م النكد ببسمه ومحبة

وبدال مايفطر فول فطريه مربة

ونوري بيته وارجعي شابة

وتبقي ف عنيه غزال وماتكونيش دبة

اااااااااااااااااا

يامنكدة عيشته هو الغرام ممنوع

من كتر خناقتكوا صوتكوا عالي ومسموع

ولا الخصام بينكوا صعب ومفيهش رجوع

لو كلمتين منك راح يخلص الموضوع

اااااااااااااااةةةا

جبريل رضوان