مين اللى خان ,,,,,, الشاعر عبدالواحدمحمد
مين اللى خان
,,,,,,,,,,,,,,,,,,,,,,,
أتوعدنا أنا وأخويه
بقدمنا حنخطى الصعاب
ونعيش حياتنا ف البراح
ولا نتحبس ورى أى باب
نجمع أيادى لأجل تسعدنا
والأرض تخضر وتطرح
والعيشه تحلى بعد تعبنا
لكن الشيطان الله يجازيه
فرق مابينا
زرع الفتن حرق بناره
كل اللى جميلنا
وبعد أيام الفرح سالت دموعنا
والحلم ولى كالثراب
لما نوصل ليه من بعد سفر مايبل ريقنا
,,,,,,,,,,,,,,,,,,,,,,,,,,,,,,,,,,,,
وألوم أخويه ولا ألومك ياشيطان
ولا ألومك يا جفا ولا ألومك يازمان
ألعن جفاك وأسوتك اللى ذادت
وألعن النفس الخبيثه على اللى كان
ولا ألعن الضعف وهزالى
والزرعه اللى خابت من جحيمنا
ألوم على أمى وأبويه
ولا ألوم على أخويه
ولا ألوم نفسى كمان
الفرقه سرت وأنتشرت فى عقولنا
أتوعدنا أنا وأخويه
نحط طوبه جنب طوبه
نبى بيت وسقفه عالى
أتارى كنا بنبنى مابينا جدار
خاب حلمنا والبسمه رحلت
لما أفترقنا
,,,,,,,,,,,,,,,,,,,,,,,,,,,,,
كان فحلمى أنى أخضر الصحارى
ويدب فيها الخضار
تسكن معانا فى ظل الشجر
ناس كتيره ويسود العمار
نزرع ورود وبحسنها وبجملها
بلدنا تحلى وتبقى سيدة الزمان
لكن أخويه زرع البرود زرع الغم
ورمى الفاس ومسك سلاح
وقتل وخرب ف الديار
هدم المساجد حرق الكنائس
وبقينا قصه على الدوام
وصعب عليه بأن الوعود
ما عدلهاش بينا مكان
والضحكه كانت فوق جبينى
اليوم سكن مكنها دمعى
وسال على الرمل دمى
وبدل ما نسقى الأرض ميه
دمانه شرباه الرمال
,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحدمحمد
ليست هناك تعليقات