صباح الخير كلمات / رضا أبو الغيط
صباح الخير
*******************
صباح نادى على الحلوين
وع الفدادين
اللى بتصبح على الفلاح
صباح نادى على الغاليين
وع الفايزين بأحلى نجاح
صباح الحب والاخلاص
لنصل الفاس
وكل الناس
صباح طعمه كفاح ف كفاح
صباح عرقان ف كل اوان
بطعم نهار
بيتمنى يلاقى امان
صباح الفل ع الجدعان ف كل مكان
صباح الأفراح
صباح الخير... يا زرع الخير
يا كل الطير
يا نبض ضمير
بيتمنى يعيش مرتاح
صباح نادى ع الصبايا الحور
صباح نادى ياكل زهور
بتتفتح ف صبح جديد
ف قلبه سماح
صباح الخير على الأطفال
وع العمال
وع الانتاج
صباح أبيض بلون التاج
صباح الخير على الاحباب
وع الكتاب
وع الأبداع
ومش محتاج ...ولا ناسى
أفكر ف الصباح ناسى
تبوس الإيد
اللى بطبطب على الاوجاع
ف كل صباح
صباح نادى على بلادى
اللى تستاهل تكون زادى
صباح منى
لأم الدنيا.. اللى بتعينى
وساكنه القلب والننى
مسا ...وصباح
صباح حالف ينورها
ويسعد ليها أوتارها
صباح م اللى مقدرها
وعارف ليها مقدارها
وحلمه يوم يخضرها
يعمرها
وحلمه تبقى مرتاحه
عشان يرتاح
صباح ليها.. ولعينيها
من اللى قلبه هاويها
من اللى ناوى يبنيها
ف أحلى صباح
ليست هناك تعليقات