مكانش ليّه سامية سليمان أم الشعراء
مكانش ليّه
----------
مكانش ليّه ..ولا كنت له
ودق قلبي .. فتحت له
سحر عنيه.. بشبكة وهدية
بنالي فيلا .. وجاب عربية
دا قد ابويا .. وانا قد بنته
لايوم فهمني ..ولا يوم فهمته
أنا عايزة أجري ..أضحك وألعب
وكل مرَّة يجري .. بيتعب
والود وده ..ينام أمير
وافضل أدادي.. وعليه أغير
واعيش وقلبي .. وياه كسير
وكل همه .. شغله وراحته
وراحتي راحت .. من يوم ماشفته
وتعبت خالص .. من كتر نومته
وعايزني أفضل.. رهن لإشارته
ماقدرش اسيبه..عشان عاهدته
ومكانش ليّه.. ولا كنت له
ياريتني عمري.. ما فتحت له
سامية سليمان
أم الشعراء
ليست هناك تعليقات