بقلم// علي شمس الدين أنا ليوم كتبت قصيدة لرفقاتي يلي فقدوا امهاتن
أنا ليوم كتبت قصيدة لرفقاتي يلي فقدوا امهاتن
فتت عا قلوبن واحاسيهن وكتبت شعري ترجمة لشعورهن
بهديكن هالقصيدة من القلب ل القلب
أنا عيوني على فراقك حزيني/ة
ولا دمعة بقي عند الخزيني/ة
أنا بردان ما بيجي صوبي دفاكي
بعد ما نام من وقتا حنيني
أخدتي مع رحيلك كل حلاكي
اجا عيدك سمع ناية أنيني
بلا طعمة العمر يمي بلاكي
وقت متتي عتم عين المديني/ة
مشي الليل بعصاية عا سماكي
ضرير العين مع همو رهيني/ة
بكي قلبي على شرشف ثراكي
نزل منو الف لهفة دفيني/ة
نبض يصرخ انا ابنك اجاكي
أنا بنتك تعي هلق خديني
إلي بوسات من جنة رضاكي
ليمتى بالدني باقي عذابي
اغمريني انا ما عاد فيني
علي شمس الدين
20/3/2016
ليست هناك تعليقات