عصر الكرانيش بقلــــم/عبد الرازق زرد
-------------------- عصر الكرانيش --------------------
//////////////////////////////////////////////////////////////////////
مش كفاية
ياللا نتصالح
ونلملم الحكاية
ونقلل الفضايح
مش كفاية
فراق وعناد
وسيجارة محشيه
تطوف بالعباد
مش كفاية
حدالفقر
ورسم الخيبة
فوق الخد
مش كفايه
رقص وطبل
وهز وزمر
ولعبة خلاويص
تعبت من التكسير
والكتابه بالطباشير
فوق لوح التلج
انتهى عصر الفناكيش
وعصر الطرابيش
وعصر السور
وعصر الكرانيش
وكفانا عصير تعتيم
وناس ألف لون ولون
ومفتاح من غير كوالين
وصور في البوم
*********************
ليست هناك تعليقات