بقلن اااااااااااااااا جبريل رضوان بحبك انا مفتون
بحبك انا مفتون
قلبي بياسى ساعات
وقلبك انتي حنون
وباسافر بعيد وارجع
وعشرتك ماتهون
لفيت بلاد وبلاد
ملقيتش حضن حنون
ورجعتلك تاني طاير
ولا المجنون
مهو انتي ف عنيه
احلى بلد ف الكون
ااااااااااااااا
ف بعدك انا تايه
وايام مابتعديش
معلش انا سبتك
طمعان ف لقمة عيش
ورجعتلك تاني غيرك
يابلدي ماليش
وازاي انا ف بعدك
اقدر يابلدي اعيش
وانسى لياليكي
وقعدة الكورنيش
وازاي انا انساكي
واقعد يابلدي ماجيش
اااااااااااااا
يابلدي انا عاشق
وعشقك ده جوايا
يافرحتي وعمري
ياسعدي ومنايا
طيفك مابيسبنيش
قدامي وورايا
يامعششه ف قلبي
وساكنة ف حشايا
وازاي اتوه منك
وانتي دنيايا
عاشقك وانا دايب
من صغري وصبايا
اااااااااااااااا
يابلدي انا عاشق
عاشق تراب ارضك
وانا اللي عايش عشانك
عشان اصون عرضك
يامؤمنه ياطاهره
مابتسبيش فرضك
اااااااااااااااا
جبريل رضوان
ليست هناك تعليقات