بقلم "فيفي صيام" إهداء لكل أم لما أقول اﻷم ....

إهداء لكل أم 

لما أقول اﻷم ....

بقصد وطن ...

يجمع ..يلم ..

شمل عيلة ..

شمل أسرة جميلة..

حضن دافي.. يضم .. وقلب يحن ..بحور حنانه متنتهيش .. للصغير والكبير ..للغريب قبل القريب .. تمسك بإيد ضعيف تعدي بيه بر اﻷمان ..

تكفل يتيم محتاج حنان ..محتاج يعيش لحظةأمان ..

محتاج نصيحة أم خالصة لربها .. 

برضاها تسعدلك حياتك ..

أتكلم عن روح خفية ..

عن جند من جنود السماء القوية ..

عن مخلوق رقيق ..

لكنه فوق طاقته حمول.. 

عن عقل بيقرر ويتحمل ..

أمامه كل الصعاب ..

عن قلب بيشيل جواه ..

كل هموم الحياة .. 

بدون كلل بدون عناء ..

اتكلم عن طيبة ..

حملت لي كل معاني الوفاء ..

عن حب ابدي ..

عن حضن دافىء .. 

عن متنفس الروح للحياة..

عن موطن الراحة .. 

عن قلب مفتوح ..

لسماع الشكوى والبوح .. 

اتكلم عن مشاعر طيبة نبيلة ....

فأنا !!!!!! 

اتكلم عن امي !!!!!!!!!!!!

ومهما كتبت عنها كﻻم .. ومهماأوصفلك شعوري..

من كل قلبي ناحيتك..

مش بيوفي وﻻ بيكفي..

لم تسعفني أي حروف 

في التعبير ..

عما يختلج صدري وقلبي...

احبك امي..

واحبك .. واحبك

وكل عام وانتي بألف خير 

بقلمي "فيفي صيام"