وبحكي لصورتك بقلــــــم / محمود فرج
(وبحكي لصورتك )
وبحكى لصورتك كل الكلام
وبلقى فعيونك احلى غرام
شفايفك تنادى بشوق وهيام
وقلبى مسلم باجمل سلام
---------
واحلم برسمك ف الليل والنهار
معاك هعيش لحظات انبهار
ياحبى ياغالى ياارق ازهار
ياعشق الليالى يابحر اسرار
------------
تخدينى لجمالك يااحلى حنين
وبحلم بقربك طول السنين
ولمسه شفايفك تاخدنى بعييييد
لدنيا مليها قلوب العاشقين
-----------
واكون مشتاق وانده عليك
واعيش الاشواق فى بحر عينيك
وارسم فى ضلك جمال الحروف
واكتب كلامى ده كله ليك
---------
من حلمى اصحى واقوم اناديك
بلهفه وشوق ادور عليك
ادور واجرى وانادى بلهفه
وقلبى يردد مشتاق اليك
---------
وارسم حنين حبى فى هواك
واعاش الليالى احلم معاك
وتبعد عني اناجرى وراك
ولو قلبك يقول الاه
( اقولك فداك)
----------
ليست هناك تعليقات