باأدور ع الكلام كلمات / رضا أبو الغيط
باأدور ع الكلام
كلمات / رضا أبو الغيط
*******************
با أدور ع الكلام ما لاقيه
وتاهت ف الكلام معانيه
لا لاقى ع الورق اسمى
ولا رسمى اللى بان ف عينيه
معالم صورتى مكسوره
ومحصوره حروف اسمى
ما بين الأصل والصوره
بقيت عايش جنان رسمى
يا مين يفتح لى كراسى
ويؤمر ف القلم يكتب
يعرفنى شعور ناسى
ويحلف إنه ما ها يكذب
أنا لسه ف قلوب الناس
وناسى لسه هى الناس
ولا... الزمان ولى
وضاع الحُب والاحساس
يا مين يسأل عن الطيبه
وعن عقلى اللى تاه منى
ف دنيا قاسيه وعجيبه
لا بتداوى.. ولا تعينى
دموعى ع الخدود بتسيل
وحملى م الهموم ده تقيل
لا حاسس بيا أحبابى
ولا صحابى ف يوم بتميل
أنا القلب اللى كان مفتوح
من القسوه بقيت مجروح
لا لاقى حد أشكى له
ولا قادر..... ابطل نوح
*******************
ليست هناك تعليقات