ياللى دايما حزين زعلان بقلـــــــــــم/منير خاطر
ياللى دايما حزين زعلان
بص لقدام وانسى اللى كان
متزعلش ابدا ع اللى راح
ولا تقضى عمرك نواح
بإيه يفيد دمع العين
غير علامه على الخدين
إرمى همك ورا ضهرك
وسلم دايما للرب أمرك
وقول يارب انته المعين
بك أستقوى وأستعين
إضحك للدنيا تضحكلك
وتهون عليك كل مشاكلك
منعرفش بكره جايب إيه
محدش أبدا مطلع عليه
جايز يجيب الخير معاه
وينسينا العذاب والآه
الناس بتحب اللى يضحك
متشتكيش للخلق جرحك
حط كلامى حلقه ف ودنك
محدش هيشيل الحمل عنك
انسى الهم يوم ينساك
والدنيا تمشى على هواك
اليوم اللى بيعدى مبيجيش
إفرح وامرح واضحك وعيش
ليست هناك تعليقات