أمى ,, بـقلم الشاعر ثروت بكرى
أمى كلمات ثروت بكرى
أمى ياما علمتنى
لما يا دوب وعيت
يعنى أيه شارع وبيت
يعنى أيه أمى وأبويا
يعنى أيه جارى وأخويا
أيوه وكتير حزرتنى
أن عمرى ما أقول يا ريت
لما هتذاكر هتنجح
لما هتصلى هتشفع
دعوتك ليا فى قبرى
وأتنصبلى بين أيديها الطيبين
عدل فى ميزان
أيوه كانت بتحاسبنى
وبكلام قاسى تعاتبنى
أيوه وكتير أنبتنى
لما بغلط أه وأزغرد
لما ألاقى حضمها
ضامم بحب لهفتى
وأقول يا ريت
أيوه يا ريت
أنى أكون عند حسن الظن بيا
وبأيديا
أبنى ليا ايوه جنه
تحت رجليكى يا غالية
حقك عليا
لو كنت قصرت فى وصالك
لو كنت مسمعتش كلامك
حقك عليا
بكرة أيامى اللى جايه
هتبقى ليكى
وهشتريكى
أه عليكى وعلى الحنان
اللى فى أيديكى
والامان اللى فى عنيكى
بقولها ليكى
بقولها ليكى
لو حانت ساعة رحيلك
والقدر قالك سبينى
ورحمة ابويا الغالى عندك
ياما لفأيدك خدينى
ليست هناك تعليقات