بقلم /// طه إبراهيم شواكيش
شواكيش
@@@@@@@
شواكيش ف دماغي شغاله
بتصدع راسي يا رجاله
والدقه تدق ورا الدقه
ف دماغي زي البداله
مش عارف إيه اللي حصلي
متلخبط تايه ف الحاله
ولا عارف حاجه تريحني
ولا طايق كلمه ولا قواله
و لا شايف حآجه بتتغير
ولا شايف ف حياتي رساله
زعلان م الدنيا وبلاويها
والضلمه ف عز القياله
والصرخه المخنوقه ف قلبي
والدنيا اللي بعقل غزاله
وأنا قاعد مستسلم ليها
فاكراني مقضيها عواله
وإكمني لوحدي بقضيها
ولا عم بيسأل ولا خاله
قلقاني ومتحير فيها
وبقالي زمان علي دي الحاله
شواكيش ف دماغي شغاله
بتصدع راسي يا رجاله
@@@@@@@
بقلم /// طه إبراهيم
ليست هناك تعليقات