وبعد الشر يا عمرى/ بقلمـــى : #فهمى_ريان
وبعد الشر يا عمرى
على قلبك من الكسرة
وم الحسرة
من البصه اللى منكسرة
وم الدنيا اللى عايشاها
مع الاهه
من الضيقه ومن الخنقه .
وم الفرحة اللى متخانقة .
مع الايام . يا احلى غرام .
يا نور ضيه بيهدينى .
منايا تكملى دينى .
وتبقى الحضن والضمه .
وتبقى العيلة واللمه
وتبقى الاهل والعزوة .
وتبقى معايا طول العمر
مش نزوة
تكونى آمالى وحلالى
تكونى الام لعيالى
بحبك فتحه او ضمه
وباكره بعدك الكسرة
ليست هناك تعليقات