قصيدتى ( للنيل بنغنى تانى ) شعر عامية على سيد شحاتة
قصيدتى ( للنيل بنغنى تانى )
شعر عامية علىسيد شحاتة
للنيل.. بنغَني تاني
يا نيل..
يا مكحل رمش البنات
وتبات ليل طويل..
نعسان بين الجفون
حِلم دافي
زين عِرسان
تبات
تبات ونبات
وغِنوه فرايحيه
تــــرد الــروح
والصبحيه
تسرح ضفايرهم
فــوق السطــوح
فــ السهرايه..
تزغلل عيونهم بأطر مرايه
تضحك البصه على رقصه
مــ القُصَه بتميل
تعزف الفلايــات
يا نيل هــات
مــ الحكايات
موال صابح.. رابح.. سابح
دابح وش الغيوم
فارد جِناحات الطير
فاتح للشمس سِكَه
راسم الضِحكه
ألغي يــوم
من دفاتر الحزن
وقول ما راويش
نَسيني مــ الحكاوي
اللي كاوي
مِكاوي.. ودرويش...
يا نيل رُوق
يا جاري فــ مجاري العروق
يا نيلي غَنيلي.. مواويلى
فــ ليلي.. وفــ الشروق
طَمِني.. حِته مِني بتزمِني
ساعتــن تتفكــر الأوجاع
القلب إن جــاع
تتعكر دقاتُه
تتذكر أوقاتُه
زمانُه المَسروق
يا نيل يا متعافي.. عَوافي..
منين..؟! ولمين..؟!
وِردَك طافي
وطافي شَمعة حِلمي جُوَّاي
يا نيل لفين رايح..؟!
ومنين جــاب..؟!
وآخرة مَطافي
ياااااه.. يا نيل...!!
مهدود الحيل..
عِبت.. وعِبت.. تعبت...
انزل
من على اكتافى شعر عامية على سيد شحاتة
ليست هناك تعليقات