هدوم الناس مداريه ,, بـقلم الشاعر عبدالواحد محمد

هدوم الناس مداريه
,,,,,,,,,,,,,,,,,,,,,,,,,,,,,,,,














هدوم الناس بتدارى ف أ وجاعها
تشوف البسمه تقول فرحانه
ولما تبص جوى العين تلاقيها 
ملانه وكسيه بدموعها
رأيت راجل على شنبه تقف أسدان
وجوه البيت تشوفه فرخه بتتحاسب
وقاتلها مرار الزل ف خضوعها
وأشوف واحد عيونه الشر ماليها
بيخطف يسرق قوت الغلبان
كأنه النار تاكل وتنهش ماتشبع
وحبة ميه تطفيها وقدمه تغوص ولا ترجع
ما هو طماع ونفسه تموت بوجعها
ويتمنى الرجوع تانى ولكن ندمه ما ينفع
وأشوف بنوته أحلامها يكون لها بيت
وزوج وولاد دى طالبه الستر 
وعين الناس بتاكلها ولا تشبع 
ولما تمشى بالشارع تجيب الخلق سيرتها
ولا ترحمش لعذبها
ومليون ست شقيانه عشان القوت
ودمع العين ما يشفع
وأشوف الشاب متغرب ما بين ناسه
أخوه وعمه والصحاب بتسكتر لأنفاسه
ولما يذيده ربى الخير ويكسب مال
عيون الناس تكون عينه وحواسه
ولما يكون فقير الحاس ويمرض
أو يموت جميع الناس بتنسى تروح 
على داره وكل الخلق ليه تنكر 
ولا يزرهوش غير الموت
يكون أرحم بأحساسه
تقول الناس فى الأمثال لو تطلع 
شمس اليوم فى مسائنا حتفضح خلق
ونتمنى بأن اليوم ده ما يجى
وشمسه تغيب ولا تطلع
ولما أمشى مابين الناس أشوف حكيات
أدى واحد هجر عشه وواحد تانى باع جسده
وبنت تتاجر بشرفها عشان تاكل وتشبع
وطفل يمد لى أيده بيتسول ويتجرع ويتزلل
وست عجوزه مقهوره رماها ضناها بالشارع
بتفرش فرشه جنب جدار وتتغطى بكرتونه
وراجل يبكى ومرار الدمع متأثر
وواحد مليان حداه المال ولنعمة ربه يتبطر
وألف حكايه وروايه وحدوته 
وأقول الأزمه يا أخواتى مافيش أخلاق
ولا عاد صدق وكل الدنيا مصالح 
وكل بثمنه يا أخونا 
ولا يسمن ولا يأكل ولا يشبع
,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد