حسن توفيق ...... حلم جميل ..
......... حلم جميل ..........
=================
شفت حلم اللهم اجعله خير
إنى ماشى على أرض خضرا
النيل على اليمين بيضحك
والمراكب بالخير مليانة
جت نسمة حلوة لحد عندى
ورفعتنى فوق ف الهوا
أنقل قدمى فى سهولة
والدنيا بتضحك للدنيا
الشجر ده مش هوّ الشجر
الخضار صحته سليمة
كانت الثمار طبيعية
والطعم مش محتاج أى تحلية
الشوارع لسه مولودة
بس كانت بتضحك وتبكى
الهدوء كان حاسس بملل
والليل مشغول بقمراية
نجوم السما بالحب سهرانة
والنفوس راضية ومرضية
---------------------------
حسن توفيق
ليست هناك تعليقات