بلاش يا قلبى . بقلم الشاعر أحمد شاهين

بلاش يا قلبى . بقلم \ أحمد شاهين

يا قلبى خبى أسرارك
ولو سألو ك قالوا مالك؟
بلاش تنطق ولا تقولها
ومهما أسيت فى مشوارك
مسيرك يوم تقابلها
وتختارها وتختارك
يا قلبى خبى أسرارك
يا فلبى عيش بلا مبالاه
دا غيرك عاش حياته وتاه
ولملم كل أحزانه
وتاه الشوق ليالى معاه
عشان خاطرى
بلاش تحزن
تتوه بين العذاب والأه
وخلى الفرح عنوانك
يا قلبى خبى أسرارك
تعالى نغير الموضوع
وننسى الجرح وسنينه
ننور بالأمانى شموع
نلاقى الفرح شايفينه
عشان خاطرى
بلاش تحزن
تتوه بين العذاب والأه
وخلى الفرح عنوانك
يا قلبى خبى أسرارك
كلمات \ أحمد شاهين
23 \ 2 \ 2016