البحر كان صافى ,, بـقلم الشاعر جبريل رضوان

البحر كان صافى
اااااااااااااا
البحر كان صافى
وانتى اللى عكرتيه
والقلب كان خالى
وانتى اللى بهدلتيه
ذودتى ف جراحه
وحالفه لاتزليه
نبع الحنان جافى
وانتى اللى نشفتيه
والهجر كان طبعك
طبعك رضى كده ليه
حيرتى ليه قلبى
ولامتى حتوريه
مهو شاف كتير منك
ياريت بقى تنسيه
ااااااااااااااا
عكرتى ليه بحرنا
بعد ماكان صافى
وخرمتى ليه مركبى
وكسرتى مجدافى
كنتى ف ليل الشتا
غطايا ولحافى
وكنتى ليه الدوا
والبلسم الشافى
ومشيتلك انا ع الشوك
وانا حافى
معرفش ايه غيرك
وقلبك بقى جافى
اااااااااااا
ياعمر ضاع مني وراح
على الفاضى
كنتى ف يوم عمرى
دلوقتى بقى ماضى
وعشتك سنين عمرى
عشتك وانا راضى
وكنت مستحملك
وكنت اقول عادى
ف بداية المشوار
كان طبعك جميل هادى
وجتتى ليه قلبى
وقطعتى اوصالى
اااااااااااااا
جبريل رضوان