صباح الخير على بلدى ,, بـقلم الشاعر جبريل رضوان

صباح الخير على بلدى
ااااااااااااااا
صباح الخير على عيونك
ياست الكل
صباح الخير علي نيلك
ياورد وفل
صباح الخير علي خيرك
فايض ع الكل
تعالى عندنا ياغريب
تعالى وطل
اااااااااااااااا
وشوف بلدى وشوف
ناسها
دى غاليه وربنا
حارسها
تعالى وحس بتاريخها
وبتراثها
تعالى شوف طيبة ناسها
واحساسها
اااااااااااا
صباح الخير على الخضره
وع الميه
صباح الخير على نيلك
بيرويكى بحنيه
صباح الخير ياورده
مفتحه نديه
باغنيلك بحب وشوق
وحنيه
وباغزل م القصايد توب يوفيكى
موفاكى ولا واحد على ميه
صباح الخير على ولادك ولادك
ميه ف الميه
بيكبر حبهم ليكى مفيش
انكار وانانيه
يراعوكى تراعيهم تعيشى
يابلدى ياصبيه
ااااااااااااااااا
جبريل رضوان