متعـــزنيش ف حــــالي ,, بقلم الشاعر صــابر الطوخـي
وسبيني ف وحدتي
هـــو انـت مش بعتيـــنى
وهجـــرتى دنيتي
راجعـــــــــه ليــه تاني
بعـــد م بكيــتي زمـاني
وسرقتي ضحكـتي
راجعـــــــــه ليــه تاني
بعد م قلبك نساني
ومــــوتي فيا فــــرحتي
لسـه الطيــــور بتبـــكى
هنـاك على الشجر
لســه النجـــوم بتشكــي
جفــــــاك للقمر
وانا خـــــلاص ياروحـــي
اتعـــود اعيش مع روحــي
وبئيــدي امســح دمعــتي
انا خـلاص ياروحـي
لما زادت جــروحي
مشيت ف طــريقي وحدي
وعـرفت آخر سكتي
وعشــــان كنت شــــريك
محـــولتش اجـــرح فيك
وصــاحبت صــبري
وكتمـــــت قســـــــوتي
وعشــان اللــي بنا يعيــش
كان لازم تتغـــيري
وبحــبى متضحيش
ولا ف وشـــــي تكشــــري
لكن انت قتلت حبي
ومحستيش بعذابى ولوعتي
بقلــمى//صــابر الطوخـي
ليست هناك تعليقات