(فرح الزمن)…… (شعر) عبد الله السايح -- تحياتي جدو عبدو
… ..(فرح الزمن)……
رفعت إيدي للسما
أشكر إلهي عندما
قبل دموعي ربنا
بشكوى هزت البدن
حبيبي تايه مننا
ورحل بعيد عن حبنا
وفايتني أنعي حظنا
أنا والغرام ويا الضنى
عايشين حياتنا بالشجن
ودموع بتغسل همناوﻻهمنا
شيء إنكسر من جسمنا
وﻻحتى بعده من عدم
كل اللي شاغل قلبنا
توهه وخطفت مننا
حبيب وم الحب إتفتن
ياضلع ليه ماتضمنا
ياعين بتنزف دمعنا
ياقلب عايش في المحن
تاه اللي كان بيودنا
تاه اللي حاضن همنا
من بعده عيشنا ساعات وهن
اليوم ضريح والروح تطيح
والجسم كان هو الكفن
رفعت إيدي للسما
أشكر إلهي عندما
قبل دموعي ربنا
ورجع حبيب يحي البدن
داوى الجراح بعد اللي راح
والروح رجعت للسكن
والبسمة رجعت للشفايف
.ورد الخدود فتح وشايف
إن الحبيب فرح الزمن
…… ..(شعر)………
عبد الله السايح
ليست هناك تعليقات