(( بيقولو )) للشاعر ~~~~ عماد صلاح

#‏بيقولو‬... 

^'^'^'^'^'^'^'^'^'^

بيقولو ان انتي فارقتي

الناس والبني آدمين... 

وأن انتي ف عالم تاني

الناس ديا مجانين...

منا كنت معاكي انبارح

وكمان جنبك دلوقت

واكيد راح اشوفك بكره... 

انا مشتاقلك علي فكره... 

اعملك شاي ويايا

طب اجيبلك وحده كراش... 

انا سامح قاللي راجعلي

وفارقني ولسه مجاش... 

الحج محمد قاللي

فاضل ع الشقه يومين

وتكون خلصت من كله... 

ونسيت انبارح اقوله...

أننا هنشيل الموف

ونحط بداله البمبي... 

وأننا هنجيب برواز

فيه وقف وانتي في جنبي... 

انبارح بعد ما رحتي

رنيت علي رقمك يامه

واداني انك مشغوله... 

منا اصلي نسيت استفسر 

منك عن لون الصاله... 

انا فرحان جدا جدا

وتخيلي فرحان ليه... 

علشان دي اول مره

تيجي بيتنا وتقعدي فيه...

عجباكي الاوضه بتاعتي

عجبك اقلامي وساعتي... 

بروازك ديما جنبي

قبل أما بنام بحكيله...

وأن كنت حزين بشكيله... 

انا عامل رف عشانك

فيه كل حاجات جبتيها

صورك وكمان هداياكي...

مش عارف ليه انا باكي...

الدمع بيهرب مني

طول منا قاعد وياكي...

وكمان فيه حاجه غريبه

من اول لما قعدتي...

ولا كلمه يا غليا نطقتي...

مش سامع صوتك ليه

متردي عليا حبيبتي... 

بيقولو أن انتي فارقتي

الناس والبني آدمين... 

وأن انتي ف عالم تاني 

مش عارف اصدق مين؟! 

مش عارف اصدق مين؟! 

^'^'^'^'^'^'^'^'^'^'^'^'^'^'^'^

‫#‏عمادصلاح‬