سامية سليمان أم الشعراء دلوقتِ بس افتكرت
دلوقتِ بس افتكرت
-----------------------
دلوقت بس افتكرت
إن ليك هنا أحباب
ماكنَّا هنَّا .. ورحت
وطال علينا الغياب
ياهلتري وحشناك
ولاّ انجرحت هناك
نسمة حنين جايباك
ولاّ الهوي اللي رماك
حلاص خلاص آسفة
مالكش ف قلبي مكان
وباقولها مش خايفة
ما آمنش للي خان
د احنا ياما .. وياما
صدّقنا كلامك
وخدتنا دوَّامة
وغرقنا ف غرامك
كنت أستني معادك
واعد له الأيام
وافرح وف بعادك
عايشة مع الأحلام
لكن وياخسارة
هواك عذاب وسراب
ولقيتني محتارة
وطال معاك الغياب
بهدوء كده بهدوء
من غير كلام وعتاب
فوق من غرورك فوق
ومن فؤاد كدّاب
إبعد ماعدناش سوا
وانسي ان كنا أحباب
قفلنا باب الهوي
وباقدِّم الأسباب .
سامية سليمان
أم الشعراء
ليست هناك تعليقات