اوهامك بقلم الشاعر / حلتم صلاح

اوهامك
******
فوق اصحى من اوهامك
مش هافوت حتى بأحلامك
معدتش مالك قلبى وامرى
حالا همشى من قدامك
حبيتك اخلصت معاك
املى كان اكمل وياك
لكن لعبك بمشاعرى
خلانى اختار انساك
القسوة هاتولد اية
تستنى منى تانى اية
كام مرة شكيت لك منك
بنفذ الى وعدتك بية
مش هتأثر فى عيونك
ابعد افضل ما اخونك
ياما هربت منك ليكى
اسيرعشقى مسجونك
تندهى صوتك سامعة فحيح
ارجع اعانى منك تجريح
تستعملنى تعود تهملنى
دى نهاية كلامى صريح
خدت اية من ايامك
حملت بقلبى وزر اثامك
تجرى دموعك تطفى شموعك
مات فى الروح نبض غرامك
انسينى وعيدى حساباتك
ازاى افسدتى حياتك
لو تقدرى تغيرى روحك
تنسى غرورك تروضى ذاتك
وسبينى ابعد مداوى جروحى
يمكن تشفى منك روحى
نفسى هكلمها اقنعها
جاهزة اسبابى وشروحى
بقلم الشاعر / حلتم صلاح