بكره تشوفي : وليد الوصيف -- تحياتي جدو عبدو
بكره تشوفي : وليد الوصيف
-----------
بنت اﻷيه سحرتني بصوتها
بكل كلامها وبرقتها
وكل دا كوم
ولما سمعت يناس ضحكتها
خطفت مني حزن سنيني
خلقت فرحي في عز أنيني
زرعت فيا
احساس مش عارفه
بس أنا حاسه
أصله اتسرب من احساسها
وراح على قلبي وعلى شرايني
أنا عن نفسي مستغربها
جمله خطيره يصعب اعرابها
عملت رعشه خطيره في جسمي
عمر ما جسمي في يوم جربها
رعشه جميله
تشبه رعشة موج النيل
لما بيفرح
لما بيحضن قمر الليل
كانت خايفه تقولي بحبك
أو مكسوفه
لكن قلبها سبها وجاني
قلي بحبك
وقلي عليها انها ملهوفه
روحت راميلها الكلمه بخوفي
وأنا منكرش حقيقي كسوفي
قولت بحبك
قالت حبك يمكن وقتي
ودا يا حبيبي شعوري وخوفي
قولت أحلفلك
أومن غير يا حياتي ما أحلفلك
بكره تشوفي
ليست هناك تعليقات