(( مين اللي قال )) للشاعر ~~~~~ عادل شعبان
حقوق النشر محفوظة
--------؛
مين اللى قال
----------------؛
مين اللى قال أن القمر
يسهر عشر تيام
لو كان ينفع سهر
كنا سهرنا سنين قدام
ياعينى ع إللى اتعذر
وباع الحب ب الاحلام
ولا مرة باله أفتكر
ما يصيبه من الام
وعاش حياته ف كدر
لا طال حقيقة ولا أوهام
صحيح د اللى انكسر
ما ينصلح يا سلام
قالوها أهل العبر
فى سالف الأيام
البصر ساعة القدر
يعمى ويبقى ضلام
والندل مهما أن كبر
واطى ماعليهش ملام
ده سوق الحلاوة جبر
والوحشة بدر تمام
سمعتوا آخر خبر
إبليس بقى شيخ بمقام
وأما تلقى الكدب كتر
يوم ربك جى قوام
والطيب بيبان بالنظر
ولا بصلاة وصيام
واللى ربه معاه يتجبر
ولا يمكن يوم ينضام
يا ابنى عيشها بحذر
واعمل حساب علام
قوللى مين م البشر
خلد فيها ....ودام
------؛
بقلم / عادل شعبان
ليست هناك تعليقات