بقلم/ محمد سالم سود رمادى
أسود رمادى
*****************
أنا عشت يوم أسود رمادى والحزن لابس توب عنادى
أزمة قرار نفس المرار نفس الألم نفس الضحية والأعادى
والليل كأنه عام كبيس ظالم خبيث واقف على الأحزان ينادى
كاتب على كل البيبان ضاع الأمان والغدر طايل كل وادى
وزمنا فيه الإمتحان زى الطوفان واللغز فيه مش لغز عادى
الحلم فيه زى الكابوس وتغيب شموس وظلامه شوك واقف قصادى
واليوم على أد العذاب تحت الضباب عايش فى وسط جراحى راضى
مكتوب على قلبى الحزين يفضل سجين ونبضه لابس لون سوادى
والموت كأنه طير برئ عامل صديق والعمر يصبح فجأة ماضى
محمد سالم
ليست هناك تعليقات