(( على الهامش )) للشاعر ~~~~~ احمد شاهين
على الهامش
خلاص خلينى ع الهامش
وحاصرينى
وعاندينى
وشدى الدمعه من عينى
وقولى حزين
كتب عنى سبع دواوين
وقولى إنك بتكوينى
سهر وحنين
وإنى أكيد ومن غيرك
ما نيش عايش
خلاص خلينى ع الهامش
وراقبينى
وحاوطينى
لكن إوعى تضمينى
وكل ما اقولك
إستنى . تفارقينى
تروحى بعيد
ودايمآ تخلفى المواعيد
وأنا شايفك قصاد
عينى
خلاص خلينى ع الهامش
وقولى دا كان
هنا إنسان
ولا عمره كرهنى
فى يوم
وقولى إنه صحيح
مهموم
عشان نسياه
ونفسه أعيش
هنا وياه
وزيدى أد ما تزيدى
ونفسى تقولى وتعيدى
لأنى خلاص
مفارق دنيتك خالص
خلاص
خلاص خلينى ع الهامش
كلمات \ أحمد شاهين
14 \ 12 \ 2015
ليست هناك تعليقات