(( لما تغيب الشمس )) للشاعر ~~~~~ مجدي سالم
لما تغيب الشمس
مجدي سالم
****
لما تغيب الشمس
عيونك تصبح ضي يضوي المداين
وسط ألوف الناس بعشقك
و أدوب من الإحساس
وأنادي قمر الليل يسهر يلالي .
لما تغيب الشمس
بارحل انا وسط عشاق الصبر
يا صبر داوي جراح القلب
واعزف نشيد الحب
ده قلبي مليان جراح وأنين وعذاب
ودواه مر .
لما تغيب الشمس
ألاقي صورتك جوه نني ساكنه
تفكرني بالأمس
حب وأشواق وأحاسيس
وكلام الهمس .
ليست هناك تعليقات