(( عيش الحياة )) للشاعر ~~~~~ حسن توفيق

.......عيش الحياة.........

------------------------

عيش الحياة ..

حتى لو كانت مش عايشة

إمشى .. إجرى .. بس حاسب

من المطبات

إلبس لبس فاتح ..

وابعد عن أى تور ناطح

قول لنفسك ..

أنا سعيد ..

أيوة سعيد

عيش الدور ..

غنى تانى .. 

بس من غير دموع

عيش ع الأمانى ..

ويّا ليل الشموع

لقيت حواجز ..

عدّى ولا يهمك

لقيت جبال ..

اطلعها ..

خليك رياضى

إن وقعت ..

أقع تانى

عشان تتْعلّم

عيش الحياة ..

خليها تلِف كم لفة

يمكن تبقى حاجة ..

ويبقالك فايدة

------------------------

حسن توفيق

2015/12/6