(( قلبك إنسان )) للشاعر ~~~~ حسن توفيق

.......... قلبك انسان ..........

444444444444444444 

فيه ناس مش شيْفاكى

رغم إنك باينة زى الشمس

دول محتاجين قلوب

وكم جراحة ف العيون

وناس مش حسّاكى

رغم إن نبضك ف الضلوع

أصل جلدهم تخين

والدم جامد ف التلاجة

فيه ناس مش فهْماكى

رغم إنِك بسيطة جدا

أصل العقل عندهم

محتاج يتنسخ من جديد

وناس مش عيْشاكى

رغم إنِك معَيّشاهم

فيكى ناس طيّبة ..

ليهم دمعة قريّبة

فيكى شعب فرعونى

بنى الهرم بالحجارة

ليكى بحرين ونيل

تاريخ عريق ماله مثيل

عندك جنود أسود

شجاعة مالها حدود

عندك علم وإيمان

كفاية إن قلبك انسان

---------------------------

حسن توفيق

2015/12/10