(( إيه اللي جرالي )) للشاعرة ~~~~~ ياسمين محمد
( إيه اللي جرالي)
**********
كنت عايشة حياتي والقلب خالي
اللي تحكيلي عن حالها طب وأنا مالي
أكتب عن الحب قصايد وحواديت شقية
والكل فاكر أني بالحب متهنية
لحد ماظهرت إنت في حياتي
وزرعت الأمل جواتي
ورسمت قناديل الفرح ليلاتي
وحلمت معاك بالفرحة
والفستان الأبيض والطرحة
والشعر ليك بينادي
ويقولك ياقلبي ياأغلى أحبابي
والعيون معاك بالعشق تغطيك
برموشها السودة ملك ليك
لكن البعد عنك كواني
وقلبي بيسألني ويعاني
دقيقة في بعدك عمر طويل
والشوق ليك غنى مواويل
والطير المسافر معايا إحتار
وآهات بعدك تصرخ ليل نهار
إرحمني من قسوة غيابك
وبدعي ربي يخليك ليا
ويحقق رجائي يااعز ماليا
وأشوفك عن قريب بين إيديا
واملى حياتك فرحة وده عهد عليا
بقلمي ياسمين محمد.
ليست هناك تعليقات