(( هلت الأنوار )) للشاعر ~~~~~ ايمن خليل
هـلت الأنوار
.....
هـلت الأنوار علينا
يوم ميلادك يا نبينا
السما نوّر قمرها
والنجوم زانت مدارها
وأرضنا خضّر شجرها
والربيع نسّم وادينا
انطفت نار المجوس
واهتدت بيك النفوس
وابتسم وجه العبوس
لما شاهد نور هادينا
...
هلت الانوار بنوره
واتعطرت مكه بعطوره
علشان ميلاد خير الأنام
هادي البرية بالوئام
نبي المحبة والسلام
حلت الرحمة بظهوره
اتجددت بيه العهود
وماتوا م الغيظ اليهود
لما عرفوه م السجود
واتاكدوا بموعد حضوره
...
هلت الانوار إشارة
بمولد الهادي بّشارة
إنشرح صدره الكريم
واختفى الوزر اللئيم
وسبح القلب الرحيم
بمعجزة ويا الأمارة
اتنبئ بمولِدِهِ المسيح
ووصفه إنجيله الصريح
وذكره رهبانه بمديح
دليل على النور والطهارة
...
هلت الأنوار هداية
بمولده كانت البداية
أرسله المولى بكتاب
بهديه خلّى العاصي تاب
يذكره بيوم الحساب
وتبقى رحمة في النهاية
رسولنا هادي لأمته
واجبة علينا محبته
ألفين صلاة على حضرته
وسلام من كل البرايا
......
أيمن خليل
ليست هناك تعليقات