(( ماتقوليش )) للشاعر ~~~~~ رضا ابو الغيط
*ماتقوليش *
كلمات رضا ابو الغيط
********************"
هاشتكيلك هجر قلبك
يا اللى قلبى بس حبك
عشت عمرى كله ليكى
وإنتى ليه يا حلوه هجرك
كنتى ساكنه ف نن عينى
كنت رسمك فوق جبينى
عشت ليكى العمر شارى
وإنتى دايما بتبعينى
عشت احلم ليل نهار
وأبنى ليكى ف قلبى دار
وإنتى عِندك كان تملى
يبنى بينا ميت جدار
كُنتى فاكره التقل صانعه
وإنتى حبك ناره والعه
إوعدينى يا شمس عمرى
تبقى ليا بكره طالعه
يا اللى قلبى وحده حبك
أوهبى لى نبض قلبك
إوعدينى ها تلاقينى
بين ايديكى إنتى وحدك
مد ايدك وإلمسينى
وبحنانك حسسينى
حسسينى إنى ليكى
وإن عُمرك ما تسيبينى
ابتدى سطرين جداد
كونى ميه وكونى زاد
اعلنى بينا السعاده
متقوليش فات الميعاد
ليست هناك تعليقات