(( كلمتين وبس )) للشاعر ~~~~ حسن توفيق

..... كلمتين وبس .....

222222222222222

ف القرية الحديثة

تلقى الكل فاضى ..

وعامل قاضى

يتكلم سياسة ..

من غير كياسة

يقول قوالة

يدخل ع الاقتصاد

بكل فلسفة

يعوج التاريخ

يستشهد بأحاديث 

وكلمات مغلوطة

عايز يبقى كبير

وهو صغير

ماحصّل غفير

يقولك ف الفنون

أنا مش مجنون

لكن هندسة

باصص عليه حمار

لكن بيفهم

قال له كلمتين

الطين بقى تحف

والأزاز نجف ..

وانتَ زى ماانتَ

شوف إزاى الحجر

عايش فى حاله

حافظ كيانه

شوفوا أسعار الحمير ..

ف السوق

تلقوا عندهم ضمير

------------------------

حسن توفيق

2015/12/25