(( من غير جسد )) للشاعر ~~~~~ محمد سالم
من غير جسد
**************
عايش بروح من غير جسد وكأنى تايه فى الهدد
تلقى العيون مستسلمه ودموع تقول عايزة المدد
والقلب ينبض بإحتضار وتشب نار والعزف يبدأمُنفرد
جوه الضلام قلب الحُطام انشد عودى وإنفرد
لابس تياب غدر السنين بعد الأنين مش لاقى للأحزان عَدَد
وأصرخ وصوتى من سُكات نفس الآلام من غير سند
راحل مع الحلم البرئ ماشى فى طريق ومالوش سَدَد
حاسس بضيق والخوف صديق والموت ربطنا وإنعَقَد
ولا صوت عويل ودموع تسيل قادرين على فك العُقَد
محمد سالم
ليست هناك تعليقات