((مجنونة ))). بقلم ابو مومن جوهر

((مجنونة ))).
كنا نقول ع القوطة مجنونة
طب و الباقي اتجنن ليه
و التفاح و المنجة سابونا
راحوا للغني و باسوا رجليه
و الجوافة و التين نسيونا
و الغلبان ولا بصوا عليه
حتي الفطرة بقت بزتونا
و رغيف نتش بنص جنيه
و الفرخة و البيض كرهونا
هجرونا. و افتروا علي ايه ؟؟
طب يا خوانا بنظرة شوفونا
رقوا لحالنا و حنو عليه
و بنصرخ و نقول اغيثونا
حسنة يا هانم قرش يا بيه
هو العقل دا فيه جرثومة
تاكل العقل و تلعب بيه
لما تلاقي عجوزة شعنونة
تنقد دينا و بتعيب فيه
و لا مذيع يبعث شياطينه
و ف كلماته وضيع و سفيه
و الرقاصة بقت تفتينا
و تقول رقصي شريف و نزيه
بقت التقوى دي موضة قديمة
و الاتيكيت جسدك عريه
تسكر تبقي جميل في عنينا
و لو بيصلي الناس تؤذيه
انصر دينك و احيي شئونه
أفعل خير للناس تلاقيه