(( صعلوك )) للشاعر ~~~~ أحمد شاهين

صــعــلـــوك

خلاص هبعدعن الملكه

ما انا صعلوك

وأيه خلانى أتجرء

فى وسط ملوك

ما انا عارف قيمة نفسى

لكنى سهيت على نفسى

ف لحظة وقلت بيحبوك

لكن على أيه يحبونى ؟

كفايا يا قلبى لا أرجوك

دا فوق العرش ياما كنوز

وسلطه وجاه غنا ونفوز

وانت يادوب

تضحكهم كما الأراجوز

فقير جدآ ووسطيهم

كمان منبوز

كفايا يا قلبى لا أرجوك

وما تقولش دا بيحبوك

دا هما يادوب بيتسلوا

وبعد الأكل بيحلوا

وممكن كلمه تسمعها

وهما قالوها بيجاملوا

تأثر فيك

وتفضل جوا أوهامك

خلاص خليك

.مصدقهم

ومحبوس جوا خندقهم

بيضربوا فيك

وعبد ....لسيد

ما هو احنا عبيد

باعونا فى سوق نخاستهم

ووقت ما نقضى حاجتهم

بينسونا .

ماهواحنا كتير

تقولش بعير

بأى عصايا بسوقونا

ومن كاس المرار

ياما بيسقونا

ما لينا مصير

ولا نقدر نصرح مره

بالتغيير

ما هما ملوك

وانت يا قلبى كالمملوك

حقيقى حقير

كفايا يا قلبى واسمعنى

ياريتك انت تمنعنى

وما تقولش فى يوم حبوك

كفايا يا قلبى لا أرجوك.

‫#‏جراح‬ فلب

كلمات أحمد شاهين

11 \ 12 \ 2015