ما تزعليش كلمات الشاعر / رضا أبو الغيط

ما تزعليش
كلمات الشاعر / رضا أبو الغيط
************************
ما تزعليش لو قلتلك
انا رافض أمشى ف سِكتك
لو كان هواكى ليا انا
م تقولى ايه كان سَكتك

لاأنا قد هجرك والألم
ولا هاارضى قلبى ينظلم
يا اللى تملى بتتقلى
خايف تحسى بالندم

سيبى المشاعر والهوى
خلى القلوب تلقى الدوا
على ايه تخبى محبتك
لما الأمانى نعيش سوا

بتقولى خايفه -خايفه ليه
بتدارى ليه - ويتدارى ايه
ده لو - فتحتى قلبى انا
ها تلاقى وحدك بس فيه

حتى اسألى رمش العيون
مين اللى ساكنت تحتها
مين اللى صورته ع الجفون
مين اللى قلبى حبها

ما تزعليش لو قلتلك
انك ياروحى بتهجرى
قلبى اللى عاشق خطوتك
مش حمل أبدا تُغدرى

لو عايزه قلبى اتغيرى
واتعلمى الليل تسهرى
ولوناداكى قلبى أنا
تجرى عليه ما تتقلى