(( صلوا عليه )) للشاعر ~~~~ رضا ابو الغيط
صلوا عليه
كلمات / رضا أبو الغيط
********************
صلوا معايا على المختار
تلقوا البًركه ماليه الدار
وادعوا وقولوا ..منه تنولوا
شربة ميه وحُسن جوار
صلوا معايا على العدنان
وقت الشده تلقوا أمان
وادعوا وقولوا العمر بطوله
نلحق بيه يوم ع الإيمان
صلوا وصلوا
وادعوا صلاتنا عليه توصله
علشان توصل دعوته لينا
سيدنا نبينا ياما حصله
سيدنا نبينا قلبه كبير
شاف علشانا ظلم كتير
دعوته دايما للبشريه
تملا قلوبها بحب الخير
ده اللى صلى مره عليه
رب العزه يصلى عليه
بدل المره عشر مرات
وتكون ليه النور لعينيه
صلوا عليه وادعوا الغفار
ساعة الصبح وف الأسحار
يوم العرض تبقى شفاعته
ساتر بينا وبين النار
ليست هناك تعليقات