بقلم بقلم - محمد لبيب مصيلحى اسمعني
أسمعنـى - وأفهمنــى _ وياريـــت ما تعتبنى
راح احكيلك وأشكيلك وياريت ساعتها تكتبلى
اى رسالة على ورقة وتقولى تحت العنــوان
بحبك رغم ظروف الدنيا الصعبة على قلبى
شوفى يا ستى حكايتى معاكى حكاية غريبة
كان فيها الحب نوادره معايا تشوفيها عجيبة
شوفتك ماشية تغنى وفى وسط الغنوة تنادى
بأسم الحب فى روح الحب بسحر وهيبـــــه
وأنا بسمع كل غناكى وأنادى هواكى يسمعنى
على لحن الغنوة نادتيك وقولت ياريت تندهلى
وفى أخر اللحن شوفت خيالى راسم صورتك
كان فيها ملامحك وشوفت الصورة تضحكلى
ولما أمشى ساعات يرمينــى خيالى لبعيــــــد
أحــس بحاجة غريبة تخلينى بالبسمة سعيــــد
أسأل نفسى بتضحك ليـه وحصل كده ليـــــه
يقولى خيالى دى بتجرى هناك وحنانها جديد
بســـرعه مسكـــت أيديــك وبقيت أرضيـــك
تقولى شمال فى لمــح البصر شبيك لبيــــــك
معرفش ليه سمعـت كلامك وبكــون أدامــــك
تقــولى بحب مــن لحظة لما شوفت عنيـــــك
يمكـــن حبــك قبل الحلــم ما ينادى مـــلامحـك
قولــت بحبــك لاقيتنى عشقتـك أيوه عشقتـــــك
وكتــبت جوابى وياريت تسمعى وياريت تفهمـى
أن حلم حياتى هو حنانك لما تنادى عليا بحبك
--------------------------------------------
بقلم - محمد لبيب مصيلحى
ليست هناك تعليقات