بقلمي دينا إبراهيم علمونا الحب عيب
علمونا الحب عيب
قامونا خوفنا ف يوم نحب
فجأه داب ف القلب شيب
خلى صعب نقوم نشب
خلى نبض القلب هادي
حاجه أشبه بالروتين
و النكد إدمانه عادي
زي ما يكون نكوتين
كل واحد فينا نفسه يعرف الحب و زهاده
نفسنا نفرح و نجرح
نفسنا نلعن قلوبنا و نلعن الحب و عناده
نفسنا من غير ما نشرح نلقى شهدا الحب زادوا
نلقى واحد حب واحده
و حبه زاد من نظره واحده
و أما زاد الحب بينهم
قرروا يتقابلوا لازم ف الميدان الساعه واحد
بس لسه فيه جدال
عن حقيقة المشاعر
هو خلى القلب مال
ولا خلى طريقنا واعر
الكبار علمونا إن دور القلب ينبض ..
مش مهم ازاي و ليه
و إن فيه أوقات بيقبض ..
روحنا اصل الحب فيه
هما قالوا الحب عادي و مش مهم
قاموا نسيوا يعلمونا
و أما قولنا الحب هم
راحوا جايبنا يلومونا
كل كلمه بقالها ديل "ذيل"
و النقاش أصبح خناقه
كله مش عاوز دليل
إن حتى الحب لازم يبقى فيه حبة جرأه
بقلمي دينا إبراهيم
ليست هناك تعليقات