بنت له العِش كلمات الشاعر / رضا أبو الغيط -- تحياتى جدو عبدو
بنت له العِش
كلمات الشاعر / رضا أبو الغيط
**********************
بنت له العِش وإستنت
يطوف ليله على دارها
وطرحه وتل.. واتحنت
لكنه يوم .....ما قدرها
ليلاتى عيونها سهرانه
ورايحه جايه....حيرانه
بتشكى قسوه الوحده
وقلب حبيب ..محيرها
بدمعه. حزن من عينها
ورسمت ليه بكحلتها
معالمها..... وتفاصيلها
ووصت جوز حمام يبقى
رسول العشق ما بينهم
ويعرف سر تأخيره
ويطلب منه يراسلها
مع نجوم السما والليل
تبص ف ايدها للحنه
وتعزف م الهوى المواويل
ودمع العين على الخدين
من اللى غاب بقاله بومين
بتتحايل على دموعها
تخف الحمل ع المناديل
وباب القلب كان مفتوح
وشافت جوز حمام اببض
وشايل دوا المجروح
رساله كلامها متعطر
بمسك الحب والعنبر
قرتها بقلبها الولهان
وعادت ليها تانى الروح
ليست هناك تعليقات