حسن توفيق 2015/12/11........ بنت الأصول ........

........ بنت الأصول ........

000000000000000000

ياللى انت ناوى الجواز ..

متسْتعْجِلش

نقى واختار بنت الأصول ..

متنْدَمش

إدّيها مهرها كامل ..

ومَتْخَفش

تلقاها مهرة مطيعة ..

متَََطفَش

ده مولد كبير ..

مليان بالحكاوى

اتعلم الغنا ..

ياللى انت غاوى

شِد أوتارك ..

وتعالى سمّعنا

إن كنت محترف ..

والا يدوب هاوى

دى نجمة نورها خافت ..

ماخافت

من ظنّها زاد سنّها ..

وخابت

شجرة على وش الأرض ..

ماطابت

طرحها أحزان سعيدة ..

ماباتت

دى يمامة متْكحّلة ف عشّها

الرمش دا فرشها ..

والعيون صابت

القرب سعيد منّها ..

والعشق له رابط

----------------------------------

حسن توفيق

2015/12/11