♧☆ رحال بلا عنوان ☆♧ (*** كلمات محمود المصري هواره ***) -- تحياتى جدو عبدو
♧☆ رحال بلا عنوان ☆♧
انا الرحال ومش عارف لفين الدنيا وخداني
انا الرحال ومش خايف اتوه ف بحر احزاني
ماشي ف طريق بلا عنوان والسكه طويله قدامي
بين الحواري والوديان وذئابي محوطاني
بحلم اشوف شراع الحب وترسيني شطئاني
تايه انا لا زاد ولا ماء نصيبي اكون وحداني
ولو هختار اعيش مظلوم ياريت الدنيا تنساني
انا الرحال ف وسط النار ودنيتي مخصماني
تعب قلبي من الحرمان وايه بس اللي وداني
حلمت اكون ف بحر امان ياخساره بقيت جاني
مين السبب ف اني اكون نسيت انا اوطاني
هالدنيا ولا الناس ولا يمكن انا اناني
نسيت الناس والاحساس شمع هوي اشجاني
الوحده بتوجع والغربه اوجع هي اللي حطمت كياني
بسببها فرقت انا الاحباب وامي وابويا وعمامي
وايه يوجع من اني اشوف دموع امي بأحضاني
ولا ابويا والطيبه الراسخه بوجداني
ياما خوفي اعيش رحال ومرجعش من تاني !!
(*** كلمات محمود المصري هواره ***)
ليست هناك تعليقات