متفتكريش = بقلم/ احمد صبري --- تحياتى جدو عبدو
متفتكريش
احمد صبري
متفتكريش
ان انتي عارفة في الشعر حاجة
متصدقيش نفسك وتاخدك
السذاجة
كل دول ليهم جمايل
جملوكي
جاملوكي وملوكي تفاؤل
او حبوكي
شعرك مجرد كلام
من المشاعر خالي
حزن كان ولا غرام
عمره مايبقى غالي
كل اشعارك اونطة
انتي حلوة اه يا بطة
لمي اوراقك في شنطة
وتعالي عندي المدرسة
اتعلمي ازاي تحسي
فتحي مخك لدرسي
لو تغيبي ولا تنسي
عمرك ماتبقي كويسة
اللي بيجامل وعامل
انه صادق وصدقك
ابقي رديله الجميل
تخدعيه او يخدعك
وانا اكبر من الغيرة
اشعاري موجودة شوفيها
انا مش واقف ع الحصيرة
وخايف انتي تسحبيها
وانتي مش وحدك كتير
زيك كده عايشين الدور
منهم اخد قلم كبير
ومنهم ورموا من الغرور
خديها مني نصيحة
شوفي لشعرك صفيحة
اوعي تولعي فيه
خليه رشيه بالريحة
صريحة كلمتي عارف
لو تجرحك اسف
والحق مش عليكي
اقولها مش خايف
العيب على طوابير
عملة لك شغل كبير
وانتي يا عيني مصدقة
الحلم والتفسير
متفتكريش
اني بحسدك
او ان شيء بينك وبيني
مش هقول اسمك
واوعدك
اساعدك لو تحتاجيني
